في حبك يا مصر

مصر الحبيبه واقعه فـ مصيبه

لا مش مصيبه .. دامليون مصيبه

سببها الحقيقي السبع إللي راح

إللي أرسى زمان أصول لنفتاح

سببها الحقيقي الشعب اللى جاع

الشعب اللي حوكم من غير جريمه وانهان وضاع

سببها فاروق عميل لنجليز

سببها جمال وثورة تموز

سببها السادات وشمعون بريز

ولا شعبك يا مصر اللى كان يوم عزيز

مين اللى هانك يا مصري وهدك

مين اللي ذلك وللبؤس شدك

ومديت إديك تشحت رغيفك

ياترى خارت سواعدك ؟! ولا يمكن جف نيلك !

يوسف زمان طلع مصر العزيزه م الأزمه

أما يوسف ولينا .. مد إيده شحت الرغيف وزرعنا فـ الأزمه

ولا صلاح نصر اللى كان أصلا هزيمه

قدم لحوم المسلمين للكلاب أعظم وليمه

ماااااااااااااااااالك يا مصر

رشدى لما هدم أوكار الكوكايين

وأشهر للحق سيفه فى وجوه النصابين

أعدموه .. والكل عارف إيه القضيه

القضيه هي هي قطع كل إدين وفيه

قطع كل لسان ينادي بالحقيقه

قطع كل أدين تتمد نحو نفوس غريقه

الرغيف مابقاش ياناس رغيف

والحرامي فى بلدنا صار شريف

واللي يعلا صوته يبقى من نسل اليهود

يتقال عليهم مسلمين شايلين بارود

إصحي يا مصر قبل ما يفوت الأوان

إقطعي أدين النصابين والحيتان والفيران

إمسحيهم من تاريخك، هما دول عارنا وعارك

ولعي فى أي نفوس خبيثه نارك

قومي يا مصر والبسي تاج العلا تاني

ياام الهرم والنيل علبعد وحشاني

نفسى اشوفك فـ توب العرس والطرحه

فـ الفجر شايله الفطور لابن البلد سارحه

لجل ما تطرح أرضك سنابل قمح

لجل ما تكوني فـ عيون الأعادي رمح

إصحى وصحي فيك لزهر والمنابر

واقتلي فـ وضح النهار كل فاجر

أمسحي عارك بأيدك يا أرض الكنانه

رجعي سعد وعرابي ومصطفى يشيلوا الأمانه

إزرعي ألف هجان فـ نفوس ولادك

يعرفوا فين الفساد ويقلعوكي توب حدادك

إرجعي يا مصر فـ عيون الولاد بسمه

حطمي قيودك .. حولي الغيوم نسمه

لمي ولادك تحت جناحك الدافي

وارويهم بعد الهموم من نيلك الصافي

تلتقي كام مليون بيبوسو إيدك

ويقلولك يا مصرنا يا أمنا النهارده هو عيدك